موضوع: كنتـ احسبكـ ليـ..:( الجمعة 18 ديسمبر 2009 - 9:03
كنت اتمناك معاي لو لحظه حتى لو اتخلى عن نص عمري لعيونك ~
كنت اتمناه لنفسي ... كنت اتمنى اسمه بجنب اسمي ... ببطاقات الدعوة لزواجي ويجوني ... زواجي منك يا " فلان "
حبيتك انت وحدك من بين ناسي ... ليه ربيتني على حبك من صغري؟ .. ليه تركتني مع الهم والجرح وحدي؟ .. يا ترى كنت قاصد تخدعني؟ ..
ولا الغلط مني وانا اللي ضيعتك من يدي؟ .. طيب .. قلي يا حبيب روحي وش غلطتي؟ .. غلطتي اني حبيتك؟ .. ولا اني ما اعترفتلك؟ .. حتى لو غلطت .. كذا تجازيني؟ ..
تركتني وحيده اناديك ورحت لغيري ... كنت لجرحي الدوى وانت الحين اساس جرحي ... كنت قبل ما ترضى بدمعه على خدي .. والحين انت خلصت دموع عيني ...
ليه تسوي فيني كذا؟ .. خليتني اتعلم احبك من كان عمري سنه .. من شفت دنيتي ... وبعد ما صرت الون نفسي بالوان حبك ... بعد ما صرت ارسمك بكل اوراقي ...
بعد ما صرت اتفنن بكتابه اسمك وحرفك على جدراني ... تركتني ورحت لزوجه .. صرت ملك لها ورميتني؟ ...
كرهتني بعمري .. تمنيت موتي .. ولا اشوفك بجنبها طول حياتي ...
كنت احسبك لي .. كنت احسبك امي وابوي .. كنت احسبك اختي .. كنت احسبك اكثر من اخوي .. كنت ببساطه" انا " والحين انت جرحتني " انا " واللي كنت اعرفه انك متكفل بحياتي كلها ...
كيف حسيت بحبي ولا اهتميت؟ .. كيف حسيت بعشقي ولا حنيت؟ .. كيف كانت عيوني واضحه لك انت وبس .. ولا رحمت؟ ..
كنت اعرفك حنون وطيب ودايمآ عايش بالقلب ... طلعت خآين وغيرت صورتك بالقلب ... اسألك بالله ... تعرف وش معنى احبك ...
لا تقول ايه اعرفها وانت ما حسيت بقيمتها
لو تعرفها ما خنت لو تعرفها ما رحت لو تعرفها ما جرحت لو تعرفها ما تغيرت
.....
ياخي قلي وش انت؟؟؟ .. حلم ولا حقيقه ولا جنون قطع القلب .. بس خلاااااص انتهت صفحتك من حياتي ..
انتهى فصلك من حياتي .. رصيدك بالحب خلص خلاااااص .. بعيش بعدك بدون آهاتي .. كتابك قرأته ودمعت عيوني كثير عليه وخلاص قفلته ورميته وراي ..
ابي اكمل حياتي بدون ما التفتت للماضي .. انا غاليه واكيد فيه مليون من يتمناني .. ومن يكسب حبي عمري ما بتخلى او اكون اناني ..
بمضي بحياتي يمكن القى من يحس بقيمتي ويهواني .. اعيش معاه احلا لحظات عمري باللي بقى من قلبي .. واهجر بلاد احزاني واهاجر لبلاد افراحي ..